നീയെന്നെ അറിയുമോ...

നീ എന്ന വാക്കിന് ചുറ്റും കറങ്ങുന്ന 

രാവുകളും പകലുകളും..

ഉറക്കമില്ലാത്ത രാത്രികളിലൂടെ, 

ഉണർവിന്റെ ഇടവേളകളിലെ

സ്വപ്നങ്ങളിലൂടെ,

ഞാൻ കടന്നു പോകുന്ന വഴികൾ..

നിന്നിലേക്കുള്ള ദൂരം കടന്നുപോകാൻ 

ആവതില്ലാതെ,

തെറ്റിലും ശെരിയിലും, 

സത്യം തിരയുന്ന ഞാനും,

ഒരു നീർകുമിള പോലെ ആയുസ്സില്ലാത്ത

തോന്നലാണെന്നു അറിയുമ്പോളും, 

എന്തിനെന്നറിയാതെ 

നീറുന്ന ഹൃദയവും..

ഒരു നോക്കിന്റെ ആഴങ്ങളിലെങ്ങോ,

ഒരു മാത്ര നിലച്ചുപോയെന്റെ 

ഘടികാരവും, ഞാനും...